في يوم من الأيام مات أحد السياسيين.... فلما وصل للسما استقبلوه وكالوله أهلا وسهلا بالسياسي... راح نخيرك بين الجنة والنار وانته
تختار بنفسك، لان انته جنت مسؤول جبير بالدولة ولازم ننطيك معاملة خاصة تليق
بمقامك؟؟؟
فبسرعة كاللهم السياسي آني قررت أن أروح للجنة...
بس الجماعة كالولة لا يابة ما كو هيج
حجي، انته لازم تقضي يوم بجهنم، ويوم بالجنة، وبعدين تقرر بنفسك...
هايه القوانين أهنا واحنه
منكدر نخالفها........
فحطوا السياسي بأحد المصاعد ونزل بيه المصعـد إلى جهنم... وبعدين انفتح الباب؟؟؟ باوع... شاف
كل جماعته السياسيين السابقين جانوا موجودين
بحديقة كلش حلوة
لابسين قوط ومرتبين يشوون ويأكلون ويشربون ويغنون (بس بالحقيقة ما جنت اعرف يا مطرب جان يغني)؟؟؟ المهم...... حتى الشيطان جان
آوياهم يضحك ويغني ويركص آوياهم!!!
رحبوا بيه وكالوله أهلا وسهلا بيك بجهنم وظلوا متونسين أربع وعشرين ساعة ،إلى أن انقضى الوقت المحدد للزيارة...
وراها طلع من جهنم كما هو متفق عليه.. وره جهنم،
جان لازم يجرب الجنة..
راح للجنه...
لكه اهناكه الهدوء والسكينة بس
للأسف ما لكه ولا واحد عرفه فما تونس؟؟؟
وره ما انقضت أربع وعشرين ساعة بالجنة،
اجوي وسألوه: ها بويه أشقررت؟ كاللهم: والله الجنة حيل حلوة ومكان كلش مريح........ بسسسسسسسس آني أفضل
جهنم؟؟؟ كالوله هذا
قرارك النهائي؟
كللهم
طبعا هذا قراري واختياري بمحض إرادتي وبدون أي
ضغوط أو تدخلات خارجية؟
بعدين دزو السياسي إلى جهنم،
وهو بالطريق فرحان لأنه
راح يشوف جماعته ويظل متونس آوياهم؟؟ اشو من انفتح الباب كلشي لكاه متغير.... لا حديقة... لا حفلة.... أصدقائه لابسين خرك ويشتغلون دك عماله وتنظيف وشكو شغلة تكسر الظهر أشغال شاقة!!؟
أتخبل ومن شاف الشيطان كاله هاي شنو
لعد آني...
وين الحفلة؟ وين الونسة مالت البارحة؟
باوع
عليه الشيطان وظل يضحك وكاله: حبيبي... البارحة جانت عدنه حملة انتخابية... واليوم
أنت
انتخبتنا
اليومية
الأربعاء 08 سبتمبر 2010, 21:27 من طرف 
