اللهم صلِ على محمد وآلِ محمد
العاليات مــــــن السنابل فارغــات لكـــــن المــلأ السنابــل خاشعه
فـــارغ مــن الدين من بايــع يزيد لأن بــــاع الدين كل مـــن بايعه
موعجيبه الدنيا لــــــو رادت تدور بس عجيب إنســــان ينكـر واقعه
منك ايطلبـــــون اتبايـــــع يزيد ناس للديــــنار جــــانت خاضعه
ونـته شبل الوصـــي لـو خيبر تعود تحجي منـــها البـاب ياهو القالعه
حسين انته والنعم سبــــط الرسول أنت دين الله ورحمتــــه الواسعه
أنت مثلك مايبايــــــــع أي يزيـد مستحيل الديــن أنــت اتــضيعه
ودع الهــادي وكصد للطف يـــريد وبمدامعـــها المدينــــــه تودعه
يـــرتل القران وآيــــــات المجيد بنفسه لجل الدين يمشي لمصرعه
فــــرق مابيـــــــن الثوابت والضنون التنتهي بوضع الادله القاطعه
القوافــــــــي تشابجت مثل السيوف تزاحمت صاغت وصف للواقعه
جاهدت بحـــــــــروفها اخترقت صفوف موج أوزان وبحرها تصارعه
وكفت بوجه الزمــــــــــــن والعاديات وما بجت أبغير طف الفاجعه
بيوم صار الكــــــــــــون يتمنه الفناء ضجت أملاك السماء السابعه
المنايـــــــــــه تحوم تخطف بالنفوس الجانت الباريها تخشع راكعه
هتف ملـــــــــــــج الموت برضج كربلاء سيوفج بدم الولاية طامعه
بياشــــــــــــريعه وبسراديب الضمير يندفن والناس تسكت قانعه
بياشــــــــــريعه ترتوي ارض الطفوف بدمهم وتمنع عليهم مشرعه
محكـــــــــــم الايات والذكر المبين وسط صدر حسين كلها مودعه
هلصـــــــــدر جالت عليه خيل الطغاة هشمت هلصدر رضت أضلعه
لكن ألمنها سلـــــــــــــم بين الضلوع انفتح قرآن الهداية الساطعه
نظـــــــرت أو ناحت عليه عين السماء وبنحيب أرواح صاحت جازعه
يامحمــــــــــــد هذا قران الجليل وسط صدر حسين شاهد موضعه
حسين من قبــــــــل الخليقه والوجود نور يم عرش الجلاله واضعه
ظنوا بافواهـــــــــــــم ينطفي النور وراسك بعالي العواسل رافعه
من قرأ قرآن مذبــــــــــوح الوريدحتى فصل الجسد لتظن يمنعه
ونته راسك عالرمح تمحــــــي الوجود لو ردت يحسين تقرأ القارعه
ألجنه حقا من نصيب الأمهــــــــــات بحال حب حسين ابنها ترضعه
وبمحبتك كل خلايانه تصيــــــــــر بالنبض يحسين اسمك نسمعه
الكلب أوردته شريانه حروف حــــــرف حاء ثم سين ثم ياء ثم نون
الكلــــــــــــــــب بحــــــــــروف اســـــمك نـــــــــــجمعه
شيعه عدنه العين من تدمع حروف تكتب اسم حسيـــــن عين الدامعه
القصيـــــد أيموت لو اسمك نساه كلها بســــــمك هلقصايد ساجعه
ياقصيده وياقــــــــــوافي التحتويه حسين كل الكون لتظن يوسعه
اليومية
أمس في 22:43 من طرف 
